A KAIKUANG anga Muslim te a pholang nia ngaiin Singapore sorkar chuan Bollywood film, ‘The Kashmir Files’ chu ramchhunga tihchhuah a khap.
An ram/khawpuia film classification guideline pel daih thil a nih vang te, Kashmir buainaa Hindu hrem an nih dan te en hian chi leh chi inkara inhmuh thiam lohna te thleng thei a nih vangin mipui en theih tura phochhuah chu thil tha berah an ngai lo.
‘The Kashmir Files’ hi March atang khan India ramchhunga tihchhuah niin, ngaihdan a inpsersan nghal hle a, 1990s chhoa Muslim tamna hmun atanga Kashmiri Pandit te umchhuah an nih dan tarlan a ni a, boruak a sa hat nghal.
He film tihchhuah tha an tih loh dan hi Singapore by the Infocomm Media Development Authority (IMDA), Ministry of Culture, Community and Youth (MCCY) leh the Ministry of Home Affairs (MHA) te chu mumal takin an tarlang a ni.
India ramah ve thung chuan Prime Minister Narendra Modi leh Union minister Amit Shah tiamin ruling sorkar chuan an fak hle thung. BJP rorelna state-ah te chuan tax-free in an tichhuak nghe nghe.