Serh ah insawiselna i nei em?

Thi hul vanga thleng emaw thi hul hnu-a thleng thin a nih ngawt loh chuan serh atanga thi (a var a ni thei a, thisen a ni thei bawk) chhuak reng reng hi i tan a hlauhawm thei.

Anih leh eng hi nge enfel ngai chu ni ta ang? Hiranandani Hospital-a thawk hmeichhe lam thiam Dr. Anita Soni chuan hmeichhe naupang a lo pian phat atanga rei vak lovah hian serh atang thi chhuak hi a awm thin a, amaherawhchu hei hi thil thleng pangai a ni a, hlauhawm a keng hran lo. A chhan chu, nu chhul atanga a lo pian ken ve na chen a awm vang a ni a ti.

Dr Satis N. Tibrewala pawhin, “Indian hmeichhia bikah hian a tlangpuiin kum 10-13 inkarah hian thi an nei tlang pui,” a ti ve bawk.

Heti hi anih chuan, thi neih hmaa thi chhuak thin anih chiah hian thil fel lo engemaw tak chu a awm tihna a ni a. Kum 11 tlin hmaa thi a chhuak anih chuan heng a hnuaia thil thleng vangte a ni tlangpui:

Taksa lama harsatna a tawh vang a ni thei a, entirnan- mawi lo taka khawih nawmnah (sexually abuse) vangin

A serh-ah engemaw thil a hnawh vang a ni thei a, tisa châkna tihpuitlin a tumna vangin

Tum leh rinlawk awm miah lova thi a neih hma-in, a chang phei chuan kum 8-10 ah te pawh thi nei hi an awm leh thin. A nih dan tur phung aia hmaa thi a neih vangin
Vun natna (fungal infection) a neih vangin
Thi a neih hma a, beisei lawk aia hma daiha a nei anih chuan ruh a inpawt fan nghal vat a, reilote chhung lekin an thang nghal zawt zawt tawh mai a ni. Hetiang hunah hian hmeichhe lam thiam doctor te hian hormone damdawi te pawh an chawh hial thin.

Naupai laiin:
Hmeichhe lam thiam Dr. Ranjana Dhanu chuan naupai lai hian thisen chhuak eng-emaw tak (tlem te tak tak pawh a ni thei) hi a thleng thin. Hei hi Saptawng chuan ‘implantation bleeding’ an ti mai a, chhul bangah khan mihring lo ni tura a inchiah thuk lai tak hian a thleng thin a ti.

Amaherawhchu, hetianga tlem tlem (hriat tham loh) chhuaka hi a tam viau anih erawh chuan rang takin hmei-chhe lam thiam doctor pan nghal vat tur a ni a, a chhan chu- ‘nauchhiatna’ a nih theih vang a ni.

Hriatreng tur chu – naupai atanga chawlhkar 12 hmaa serh atanga thisen a chhuak thin anih chuan ‘nauchhiat’ lantirna langsar tak tihna a ni thei. Tin, naupai lai hian kumkuruh tuamtu hi a nemin a pan ang reng hle thin a, hetih hun laia inpawlna hman hian thisen chhuak (nasa vak lo) te pawh hi a thleng thei bawk.

Doctor-in damdawi thiamna hmanga naupai lai hi tihtawp a tul nia a sawi chuan rang taka inenfiahna kalpui a, insawiselna tam zawk a thlen hmaa doctor thurawn anga kalpui mai hi a finthlak a, nu tam himna pawh a ni.

Engpawhnise, naupai lai bika thisen chhuak a awm fo hian nauchhiatna hmatheh a ni duh hle a, rang taka doctor pan nghal thin tur a ni ang.

THIL DANGAH – Hamda (hymen) thler: A vawikhatnana sex i hman hian hamda thler vanga thisen chhuak hi a awm ngei tura ngaih a ni a, na deuh riai riaia hriatna i nei bawk ang. Amaherawhchu, hei hi thil thleng pangai a ni.

Indanna damdawi:
Dr Tibrewala chuan, “Nikhat lek pawh indanna damdawi ei theihnghilh anih hian serh atanga thisen chhuak pawh hi a thlen ve thei tlat mai a. “Chuvangin damdawi ei i theihnghilh chuan a tuk lehah pahnih emaw ei nghal ang che,” tiin a sawi. Dr Soni pawhin, “Sex hmanna vang emaw thil dangah te pawh ni se, ‘Pap smear test’ hi neih a tha khawp mai,” a ti ve bawk.

Intrauterine Devices:
Serh enfiahnana, ‘intrauterine devices’ thunluh anih hian thisen a chhuak thei bawk a, mahse hei pawh hi thil pangai tak a ni.

Infections:
Dr. Soni chuan serh atanga thil lo chhuahna chhan tam tak hi infection vang a ni a ti. Hetiangte hi i hmachhawn a nih chuan ‘infection’ vangte pawh a tihtheih anga, a rang a ranga doctor entir nghal tur.

  1. Chhul emaw kumkuruh nâ
  2. Thil rimchhe tak a lo chhuah thinin
  3. A thak emaw a sat deuh huam huamin

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427