Nu leh pa intithu lutuk
Fate thil tih leh chetvelna reng reng en thlithlai reng a, umzui ngar ngar thin hi anihna takah chuan hmâ taka hetiang lam hawia tlan duhna a thlen tih a ni a. Chep taka awm nia inhriat-na hian zalen duhna a hring a, remchang hmuh hmasak bera humsual dai duhna leh theihna a lo awm thin. Inkhuahkhirh bur bur aiin, zelenna hnuai-a mawhphurhna la ngam tura inzirtir hi a fuh zawk tih a ni.
Zu
Tleirawlte’n zu an in tawh chuan inthlahdahna lamtluang an zawh tan a tihtheih tawh a, an ruih hian an tum ai bak bak an kal thui deuh zel bawk. Chu chuan sâwnpai leh mipat hmeichhiatna nena kaihhnawih natna chi hrang hrang vei theihna pawh a tisâng nghal hle.
Lehkhabu
Tunlai hian awlsam taka hmuh theih mai turin tleirawl leh thalai lawmzawng tura buatsaih magazine a tam hle a, hengah te hian nupa nun, mipat hmei-chhiatna leh inngaihzawnna an ziak kur ngei nguai tawh si a, kum bitliah a awm tawh bawk si lo. A ruka bedroom-ah emaw bathroom-a an tuipui hle tawh chuan an dinhmun a ngaihtuahawm tawh hle thin a ni.
Patil an pung
Kum 2005 khan kum 17 mi hmeichhe tleirawlte inkara thûk taka inzawmna hi 5% a nih laiin, tunah hian 11% a ni tawh a, patil an pun deuh deuh avang hian bialpate laka lungawi thei tawh lo te’n an mahni rualpui hmei-chhia laka ‘caring’ \ha tak an hmuh hian an kal thui hmâ hle.
‘Sexting’ a hluar
Kum 14 mi te pawhin phone changkang an hum fer fur tawh miau mai a, heta tang hian thlalak sexy leh an bialpate thalak te nen lam inthawn kual chiam an ching thar hle a. Hei hian a hnu maiah a taka tawn chhin châkna leh duhna a tuh nghal zel a, hetiang inthawnna hian a tak ram thlen pui turin kawngzau tak a sial a ni.