Zo Reunification Organisation (ZORO) divisional hqrs., Lunglei buatsa- ihin nimin khan Leitlang lightning Bullet club te nen Zo Unity rally neih a ni a. Myanmar raltlan te awmna hmun camp pathum – Pukpui, Venglai leh Thaizawla Raltlan camp-ah te hun an hmang a ni.
Thaizawl Refugee camp a hun buatsaihah HPC Vice Chairman Lawmawma To- chhawng-in “Zofate hi India leh foreign ram hrang hrangah thendarhin awm mah ila, kan thinlung chh- ungrilah ramri kham a awm ve lova, harsatna kan tawh reng rengah inhretawnin, unau nih- na kan vawngnung reng a ni” a ti.
Lawmawm Tochhawng chuan “Hri leng COVID19 chungchangahte, tuilian avangtea intuamhlawm a tulin hmun hrang hranga Zofate chu kan intuamhlaw- min kan inchhawmdawl thin” a ti a. Mya- nmar ram buai vanga tuna Mizorama raltlan te pawh inthlahrung lo turin a chah.
Myanmar ram bu- ai avanga harsatna thleng chu Zofate in unauna tichiang leh zual tura Pathian hnathawh pawh a nih mai theih thu Lawmawma Tochhawng chuan a sawi a. Mizoram political party hrang hrang te hma- lakna pawhin Zofate insuihkhawm lehna lam nasa zawkin hawi thei se a duh thu a sawi bawk.