Veteran striker Luis Suarez chuan season tawpah Atletico Madrid a chhuahsan tur thu club in Pathianni khan a puang.
Atletico hian Pathianni zana Sevilla nen La Liga a an inkhelh hma in Suarez-a chungchang hi an puang a. Wanda Metropolitano-ah a inkhel hnuhnung a nih tur thu an sawi chiang.
Rojiblancos hian midfielder Hector Herrera pawh an chhuahtir dawn a. Major League Soccer club Houston Dynamo a zawm ang.
Uruguayan forward hian kum ruk chhung Barcelona a hun a hman hnuah kum 2020 nipui khan Atletico Madrid hi a zawm a. An tana a season hmasa berah goal 21 a khung nghal a, league title a chawipui.
Tun season-ah erawh squad player tangkai ni turin league goal 11 leh assist vawi hnih club tan a thawh.
Atletico hian Pathianni tlaia Suarez-a chhuah tur an puan chhan hi an stadium-ah Atletico fans te hmaah hun hnuhnung hmang se an duh vang a ni a. A club khelh lehna tur hriat la ni lo mahse a teammate thin Steven Gerard hnuaia khel mek Premier League club Aston Villa chu sawi rik an ni ring hle.