Aizawl: Mara Autonomous District Council (MADC)-a INC leh MNF tangdun sorkar thar ding turah chairman thar atan N Viakhu thlan tlin a ni.
Nimin khan MADC Session Hall-ah MADC chairman thlanna hi Protem Chairman K Hrahmo-in a kaihruai a. Chairman atan mi pahnih, N Vaikhu leh BJP member N Zakhai ten nomination file-in, ballot paper hmanga buk a ni.
MADC chairman thar tur atan Siaha South II bialtu MDC N Viakhu hian vote 13 hmuin thlan tlin a ni a. A khingpui N Zakhai hian vote 11 a hmu thung.
Siaha BJP President M Laikaw leh HC Lalmalsawma Zasai, Dy. Leader, MNF leh INC party ten chairman atana thlan thar, N Zakhai lawmpuina thu sawiin, chairman atana thlan thar chungah beiseina sang tak an neih thu te, Mara ram leh hnam tan bakah house zahawmna atan theihtawp a chhuah an beisei thu an sawi.
Hemi hnu hian N.Viakhu hian session kaihruai chhunzawmin lawmthu a sawi hnuah, Dy. chairman thlan hun chu DCA atanga ruat a nih hunah session neih leh a nih tur a sawi a. Session chu chawhma dar 11:05 khan tiam chin awm loin tihtawp zui a ni.