- Lala Khobung, M: 9862 356 088
Churachandpura mi pakhat a thleirawl lai (a hming chuh- ka sawilo mai ang tunah Aizawlah Kohran Upa a ni tawh) a pa a sual rawk mai a. Mizorama a Nit te hnenah a va tlan bova. A rawnkir leh chuan a thiante hnenah “ Pa te suol chu a tih chi loh khop mai, Ni te pawn min lo welcome lo” a ti. Vai hnam changkang tam tak te hi chuan an pa te an zah zia entir na’n an ke an khawih a,an mahni chal an khawih thin. Class 8 ka nih lai in Satara(Maharashtra)ah ka thianpa te inah ka thlenga,a u Engineer nupui nei tawh nen tuktin an pa an hmuh hmasak berah an zah entirnan an pa Ke an khawih a, salam buk nan an mahni chal an khawih leh thin.
Manipur a Law ka practice lai khan tukkhat chu ka thianpa Senior Advocate, a nupui pawh Chief Judicial Magistrate, nilai leh a pa(a nupui pa) pawh Manipur Police a lalber thin, inah ka va lenga, kan ti ti lai chuan a muthlu deuh reng mai a. A chhan ka han zawh chuan “Nizan ka mu tlem deuh a…. ka û a lo haw har vangin ka pa’n a lo nghak ni in…..rui chungin a lo haw a, ka pa’n a nupui a kai tho a, sitting roomah an pahnih chuan a thuttir a, kei ni nupa tui taka mu tawh pawh min kaithoa, ka û te nupa bulah min thuttir a. ka pa chu kan hma a chair ah thu in ka û chu ngawi rengin a en vang vanga, a hau a lawm maw le, A hauh dan a polite in awkisang a hmang miah lo. ‘ka fa te u, ka tawng hi ngun takin lo ngaithla rawh u….. mihring hi mawl sa in khawvelah hian kan rawn pianga, chu mawlna leh atna hnawtkian na tur chuan lekha zir(Education) a ngai a. Chu mi a tan chuan ka nei zawng zawng sengin lekha ka zirtir che u a, tunah officer liantak in rawn ni ve ta a, ka lawm tehlul nen, eng vanga intih-ât nan Zu te in la in le a ti a. Chutah ngawi rengin ka u chuh a en vang vang a. kei ni unau leh kan nupui te ve ve pawh chuh ngawi rengin kan awm a. Ka u chu a en reng a, engmaw chen hnu ah chuan ‘va mu tawh ru’ min ti a. Chu veleh kan nupui te nen chuan kan bed room ve ve ah kan kal, a ti. A û hi PHE Dept. a Chief Engineer nilai a ni. A nupui Asha-i pa hi Manipura hausa ber a ngaih Pu. Haridas a ni a,Imphal a Cinama Hall pakhat Asha Cinama Hall hi a hminga a pa’n a sak a ni. Imphal a Cinama Hall pakhat leh UshaTalkies pawh hi Asha-i u Usha-i hminga a pa’n a sak a ni, Usha-i pasal chu R.K. Manisna Singh Gauhati High Court a Chief Justice a penson a ni.
Law ka practice laia ka Senior Y.Imo Singh te unau pawh khan an pa an zah tak zet, khati lai khan Y.Imo kha Advocate General of Manipur a ni a,Chief Minister pawh a Junior leh a Chamber a tanga mi R.K. Dorendro Singh a ni. Tin R.K. Jaichandra Ex-Union Minister leh Ex-Chief Minister, Y. Bijoy Singh Ex-Law Secretary, Sukumar Ex-Law Scy,Mrs. Indra Devi Ex-Law Scy leh Kiran Singh Ex-Principal of Manipur Law College leh mi dang engemaw zat pawh a Chamber chhuak an ni. Khatilai hunah khan a nau Y.Ibotombi Singh kha Sessions Judge(a hnuah High Court Judge a penson) a ni. An ni unau hi an pa te nen indanga awm ni mahse compound khata awm an ni.Nikhat chu Holiday ni in an uanu an thian Officer lian tak ten en Zu an lo in tih an pa Putar khan a hria a. An ni kha an pheikhawk phela Carpet chunga bawp kaw kalh a thu chunga zu in an ni. An pa putar chuan-“Eng vanga kacompound chhunga zu in nge in nih” tih pahin an inchung chu lungin a han vawm zet chuh an pheikhawk pawh bun hman lovin an khai a, an in sa seng hlawm.
Tumkhat leh chu DM College Old Hostel a kan awm lai in kan kawt kawngpui ah tleirawl zurui an insual a. An bul In a mi putar pakhat hi rawn chhuakin “Engvanga helai a rawn insual nge in nih,tu fate nge in nih, khaw lai veng mi nge ?” tiin a rawn beng ta thuai thuai hlawm mai a. Tleirawl zurui ho chuan tumah in chhang let ngamlovin an kal sawn daih.