India ramah darkar 24 liam ta chhungin coronavirus kai mi 2,124 hmuh chhuah leh hman an ni.
Hri kai hmuh chhuah tharte nen hian India-a Covid-19 kai hi mi 4,31,42,192 an tling ta a. Hri kai enkawl lai chu pung leh hretin mi 14,971 an la awm mek niin union health ministry chuan a tar lang.
Darkar 24 liam ta chhung hian mi 17-in COVID-19 hi thihpui leh hmanin mi 5,24,507-in an thihpui tawh bawk.
Hri kai hmuh chhuah tawh zawng zawng atanga chhutin a kai enkawl lai hi 0.03% an la ni a, 98.75% erawh enkawl dam an ni tawh tih health ministry chuan a sawi.
Darkar 24 liam ta chhung hian enkawl dam aia hri kai hmuh an tam zawk avangin enkawl lai hi mi 130-in an pung leh hman a ni.
Darkar 24 liam ta chhunga sample endik zinga 0.46% chuan hri an kai tih hmuh chhuah niin chawlhkar khat liam ta chhunga endik zinga 0.49%-in an kai bawk.
Hri kai zinga mi 4,26,02,714 chu enkawl dam tawh niin 1.22%-in an thihpui tawh thung.
January 16, 2021 atanga invenna damdawi pek chhuah beihpui thlakah Thawhlehni thleng khan vaccine dose vaibelchhe 192.67 pek a ni tawh bawk.