South Korean K-pop group BTS te chuan US President Joe Biden chu a chenna White House-ah an hmu dawn a, Asian mite laka hleilenna thleng thin an sawipui ang.
Tunhma atang tawh khan US leilungah hian Asian huatna leh pawm lohna kal zela tharum thawhna leh hleilenna report a tam chho hle a, hemi kaih hnawih zelah Asian American te bakah Native Hawaiian/Pacific Islander (AANHPI) Heritang Month a nih avangin boyband member- RM, Jimin, Suga, J-Hope, V leh Jungkook te’n Asian mite laka tharum thawhna thleng thin chungchang hi president an sawipui dawn a ni.
White House pawhin thuchhuah siamin, Presient Biden leh BTS te’n chi leh hnam hrang hrang awm te pawmpui a, mi zawng zawng tel theihna society duhawm tak a awm theihna tur atana BTS te hian beiseina thuchah duhawm tak khawvelpuma an thehdarh zel theih nan hmala ho a, sawiho tura inhmuhkhawmna a awm tur thu an tarlang ve bawk.
BTS te hian album thar ‘Proof’, hla hlui leh thar awmna ni bawk hi June 10 hian tlangzarh a ni ang.