India leh Bangladesh inkara rel tlan chu March, 2020 atanga Covid-19 avanga kum hnih zet awltir a nih hnuah Pathianni atang khan tlan chhumzawmtir a ni leh ta.
Bandhan Express hi Kolkata leh Khulna, Bangladesh inkara tlan niin Maitree Express hi Kolkata leh Dhaka inkara tlan a ni thung.
Bandhan Express hi Pathianni zing dar 7:10 khan Kolkata station atangin a chhuak leh ta a ni.
A chuang zinga mi, Farooq chuan, “Chuan a nawm hnuah tha kan ti hle a. Rel hi India leh Bangladesh inkara zin thinte tan chuan a tangkai hle a, a tlan chhunzawm leh ta pawh hi kan lawm hle a ni. Khulna-a cheng kan ni a, Kolkata-ah hian cancer venga enkawl ngai ka nupui nena zin kan ni,” a ti.
“India leh Bangladesh inkar hi tha deuh deuh zel se kan duh a. Bangladesh atanga chuang tam tak hi zin khawthawng te, damdawi tlan tur te leh mamawh hrang hrang lamte kan ni hlawm a. A ni khatna a ni bawk a, a chuang pawh an tam lo va. Bandhan Express-ah hian passenger 19 chauh awmin Maitree Express-ah 100 vel an awm bawk,” tiin HN Gangopadhyay, PRO leh Assistant Commercial Manager, Eastern Railway Sealdah chuan a sawi.
Railways chuan New Jalpaiguri-Dhaka Mitali Express chu June 1 atangin an tlan tan dawn tih an puang bawk a. Mitali Express hi March, 2021 khan hawn tawh ni mah se rel tak hi tun thlengin tlantir a la ni lo thung.