NSCN-K hel pawl peng pakhat, Yung Aung faction an tiha tel mi pahnih chu Arunachal Pradesh-a Tirap district chhung, Kottam ramngawah venhim hna thawktuten an that.
Assam Rifles sipai leh Tirap police tangkawpten beihpui an thlak hma hian hel pahnih hi an awm tih thu an dawng hmasa.
“An tawmna lai tak hi darkar 10 vel zet zawn a nih hnuah hre fuhin hual nghal a ni a, inpe mai tura tih an nih laiin silai an hmet puak hmasa a, kah let an ni ta a ni,” tiin Assam Rifles chuan thu an chhuah.
“Nasa takin inkah a ni a, NSCN (K-YA) pawla mi pahnih hi kah hlum an ni ta a ni,” an ti bawk.
Hel kah hlumte atang hian automatic assault rifle pahnih, MQ series rifle leh M-16 rifle bakah tualchher silai, 9mm pistol, Chinese hand grenade, puak thei dang leh indona hmanraw dang hmuh a ni.