Rimawi khawvela guitarist hriathlawh tak Carlos Santana chu Detroit, Michigan-a open air concert a neih laiin stage-ah nikhaw hre lovin a tlu.
Kum 74 hi local hospital hnai berah dah luh nghal niin, emergency department lamah enkawl a ni.
Mexico-a piang Santana chuan a hnu deuh maiah Facebook kaltlangin tui a in tam tawk lova, chaw a ei theihnghlh bawk vanga chau tawngkhawng, a hnu-a ni khaw hre lova buaizui ta a nih thu a ziak.
Santana hi ngaihtuahawm a ni tawh lova, chutih rualin hmachhawp a neih hnai vai hrang hrangte chu thulh lailawk vek niin, hun remchang danga kalpui turin sawnhlat vek a ni.
Grammy Award vawi sawm chuang lo la tawh hi khawlum lutuk leh dehydration vangin a talbuai a ni ber.
Ani hi 1960s leh 70s chho khan nasa mangkhengin a lar tawh a, Latin American jazz leh rock ‘n’ roll fusion lama sulsutu langsar a ni.
Hla lar, ‘Black Magic Woman, The Game of Love leh Oye Como Va’ te chu rimawi khawvela hla lar pawl leh ngaihthlak nasat ber pawl a tling pha.