Russia chuan an indo thlawhnaten Black Sea-ah an hmelma lawngte bomb hmanga beih dan an zir niin an puang.
NATO-in indo nunchan zir a buatsaih vangin Russia leh khawthlang lam ramte inkarah boruak chhe tak a awm mek a. Hei mai bakah tunhnaia British indo lawng nena buaina an neih pawh a tel.
Kar hmasa khan Russia chuan British indo lawng HMS Defender chu Cremean ram hnaih tuipuia kal ngawt theihna dan an neih loh thu an puang a. UK erawh chuan kaltlang thei tura dan an neih thu an puang thung.
Russia hian kum 2014 khan Crimea hi an hnehchhuh a. Amaherawhchu, khawvela ram tam zawk erawh chuan Crimea hi Ukraine-a awm angah an la pawm thung.
Russia erawh chuan he lawng lian hian an tuipui huamchhungah a lut tiin an puang thung a. London hian an runlui tiin a puh.