Aizawl: Education Minister Lalchhandama Ralte hnenah National Students Union of India (NSUI), Mizoram State hruaitute chuan West Lungdar M/S harsatna ching fel tura ngenna ziakin an theh lut.
Thawhlehni khan Minister Lalchhandama Ralte hi a pisaah NSUI hruaitute hian hmuin tun hnaia NABARD suma building sak that tur a nih angin West Lungdar M/S chu tuna an luah laiah ngei hian sak hi khawtlang, zirtirtu leh zirlaite bakah NSUI duh dan a nih thu an sawi a. Tuna luah lai mek hi kum 2002-a sak a nih thu leh kum 2013-2014-a office tha tak sak chu luah tlak a la nih thu te an thlen a ni.
NSUI thuchhuah chuan Dampa bialtu MLA-in West Lungdar M/S Headmistress Roliankimi leh senior teacher Khawlrochhunga te chu khawtlang leh zirlaite duh dana a an kal laia sawn chhuahah a vai nia puhin, hemi chungchangah eduction minister hian zirlaite tana tha ber tur ngaihtuaha an thlen thu an tar lang bawk.