Aizawl : Lunglei Bawrhsapin tunlaiin ruah sur avanga tuichhe tling tam takah Malaria pai Thosi a piang thei tih sawiin, Malaria natna a darh loh na turin tui chhe tling te paihfai thuai thin turin mipuite a chah.
Malaria laka himna tura thuchhuah siamin, Lunglei Bawrhsap chuan mitin te zawm theuh turin a ti a. Mitin te mahni in leh a vel te vawngfai tura tiin, "in leh a vel te DDT-a kah ngei tur a ni" a ti.
Zan mutnaah thosilen zar hnuaiah ngei mut hram tur a ni, tiin khawsik/tlun/lu na/luakchhuak/taksa na nei te chuan mahni venga AS- HA/Sub-Centre/PHC ah te a rang lama thisen test tir thuai turin mipuite a chah a. ASHA/Sub-Centre/PHC tinah Malaria damdawi a thlawna lak theih reng a nih thu a sawi.
Lunglei Bawrhsap chuan Malaria veite chuan malaria damdawi a ei dan tur dik taka kim taka ei tur a nih thu thuchhuahah chuan a tarlang bawk.