AIZAWL: Aizawl district-a Primary school zirtirtute tana buatsaih ni hnih awh tur refresher course on environment education chu nimin khan School education secretary Dr Lalzirmawia Chhangte-in SCERT auditorium-ah a hawng.
School education secretary chuan khawvel pumah ecology leh environment humhalh la- ma tanlak nasat a nih thu sawiin, hemi kawnga thanharh deuh deuh a pawimawh thu a sawi a. "Kan ecology kan vawnhim hian keimahni tan vek a ni a, kan tih chereua kan vawnhim loh chuan a tuartu tur chu keimahni tho kan ni" a ti.
Dr Lalzirmawia chuan "chhiatna tam tak kan tawrh thin hi kan insiamchawp (man ma- de disaster) a awm thin" tiin, naupangte hnenah environment humhalh leh duat a pawimawhzia zirtir mawlh mawlh a tul thu a sawi bawk.
Director SCERT Laldawngliani Chawngthu pawhin environment humhalh chuan education policy hrang hrangah pawh hmun pawi- mawh tak a chan zel thu a sawi a. Natioanl education policy 2020 pawhin a ngaihpawimawh thu a sawi.
Refresher course on environment education chu environment humhim kawnga naupangte nasa leh zuala zirtir an nih theihna tura SCE- RT, Samagra Shiksha Mizoram leh CYMA te tangtlangin an buatsaih a nih thu leh batch 4 a neih tura ruahman a nih thu SCERT director chuan a sawi bawk a ni.