Brentford chuan Senegal left-back El Hadji Malick Diouf-a hma lam hun chungchangah thutlukna nghet tak an siam a, Liverpool-in an player lak luh an tumna chu engti kawng mahin a theih loh thu chiang takin an hriattir.
British chanchinbu rintlak, Football Insider tar lan danin Bees hotute hian Merseyside club hnenah kum 21 mi wing-back hi tun season-ah engzat man pawhin hralh an phal loh thu an hrilh chiang hle.
Brentford hian nikum nipui laia kum nga chhung atana an lak luh, an player thar lar tak hi chân an tum lo bur a ni.
Senegal left-back tlan chak tak hi Brentford chuan an tan mi pawimawh takah an ngai a, zawi zawia team-a chhawr ngheh chuan khelmual chhungah hlawkna nasa ber a thlen dawn tih an ring tlat a ni.
Hetih lai hian Liverpool erawh chuan mual vei lam thuam chak turin player dang an melh a ngai dawn ta a, he thilah hian London club kulh bang sut tlang chu thil theih loh tluk a ni.
Diouf-a hian August, 2026 khan West Ham atangin Brentford hi a zawm a, season hmasaah khan West Ham tan Premier League-ah vawi 32 inlanin a thiante goal thun tur vawi nga a siamsak a, a man hi € maktaduai 35 niin an chhut a ni.