Aizawl : Sports Minister Robert Romawia Royte-in Kawnpui field no 2 zauh leh phullem phahna tur lungphum nimin khan a phum a. Senso tur Rs. nuai 600 pawh Finance ministry hnuaia central assistance to state for capital expenditure atangin kumin February khan sanction an dawn tawh thu Mizoram state sports council secretary John Tanpuia’n a sawi.
Lungphum phumtu Sports Minister chuan Tuirial bial bye-election campaign laia Ka- wnpui field no 2-a phul lem phah tura an intiamna chu Chief Minister Zoramthanga zarah tihhlawhtlin a ni dawn ta tih sawiin, lawmawm a tih thu a sawi a. National education policy, 2020 hmanga zirna leh sports kalkawppui thiam a pawimawh thu sawiin, Kawnpuia phullem phah tur chu zirna in ten tangkai taka an hman phalsak a nih tur thu a sawi.
Sports Minister chuan Kawnpuia Hockey academy chu Khelo India scheme atangin Hockey centre of excellence atan thlan a ni tawh tih sawiin, tihphuisui chhoh zel tum a nih thu a sawi bawk.