Lawngtlai Bawrhsap pisa, UD&PA department, National Tobacco Control Programme (NTCP) leh Mizoram State AIDS Control Society (MS- ACS) te tanghovin nimin khan Central YLA Hall, Lawngtlai-III-ah zirlaite pualin faina leh thianghlimna chungchang bakah chhiatrupna, vaihlo leh a kaihhnawih leh HIV/ AIDS laka himna chungchang inzirtirna hun an buatsaih.
Lawngtlai khawpui chhunga sikul paruk - Ngurnunsangi English School, Don Bosco School, Jehova Jireh Higher Secondary School, Downtown English School, Vista Higher Secondary School leh Harvard Higher Secondary School atangin zirlai thahnem tak an kalkhawm a. UD&PA atangin VL Ramnunsangi leh Kerry VL Hmangaihzuali ten faina leh thianghlimna chungchang an zirtir a. NTCP Lawngtlaia district consultant Dr Christy Chhuanmawii'n zuk leh hmuam leh vaihlo kaihhnawih thatlohzia zirtirin, DM&R Lawngtlai-a Qu- ick response team leader HC Lalnunchama'n chhiatrupna a thlen thulha chhanchhuah hna thawh dan tur te a zirtir a, MSACS hnuaia Integrated counselling & testing centre, Lawngtlaia counsellor CZ Rodingliana'n HIV/AIDS chungchangah zirtirna a pe bawk.
CYLA Hall-a hun an hman zawhah zirlaite chuan CYLA Hall atanga an sikul theuh thlengin kawng leh kawngkama plastic bawlhhlawhte an chhar fai nghal bawk a ni.