Aizawl : Pachhunga Unuversity College-in nimin khan an College aṭanga graduate tharte lawmpuina (felicitation) hun an hmang a. PUC atang hian kumina Mizoram university exam-ah za-a 95.6 an pass a ni.
PUC atanga kumina MZU exam-a pass zinga zirlai 147 chu rank holder an ni a. Gold Medalist pahnih - Lalruatsanga, Department of Economics leh Ch. Lalramzauvi, Department of Management te an nei a. MZU hnuaia UG zirna department 26 zinga department 16-ah PUC hian subjecyt topper an nei.
PUC College aṭang hian zirlai 788 exam-in 753 an pass a. Arts-ah zirlai 453 aṭangin 440 (97. 1%) an pass a, Science-ah zirlai 240 aṭangin 225 (93.3%) an pass bawk.
Zirlai pass zingah Arts lama mark hmusang ber, Lalruatsanga, Deptt. of Economics chuan 'HK Bawichhuaka Award' a dawng a, Commerce and Management inkhawpah Ch. Lalramzauvi'n 'Khawtinkhuma Award' dawngin, R. Lalruatsangi, Deptt. of Chemistry leh Remale Ruth Blessy, Department of Biotechnology ten 'Lenrual Hlui Award' an dawng bawk. Award te hian thuziak leh Rs. 15000 a keng theuh a ni.