British Formula One team Williams Racing chuan an driver rinrawl an chelh dawn a. Alex Albon chuan kum khat aia tam contract a ziah thu an puang.
Britain a piang Thai driver hian contract rei zawk a ziah thu hi social media kaltlangin a sawi ve bawk a. F1 in nipui chawlh a hmang tan mek a, team ten hmalam thlira ruahmanna an siam laiin Williams pawhin an driver hma hun an hnenah an thlung nghet.
Williams team principal Jost Capito chuan, “Alex hian thiamna sang tak bakah car hriatchian leh a nungchang zirna kawngah hriatna thuk tak a nei tel a, hei hi hmalam kan panna kawnga pawimawh tak a ni dawn.” tiin a sawi.
Kum 26 mi Albon hian kumin a team 10 zinga a mawng lama awm team tan hian point 3 a hmu tawh. Formula One-ah a season thumna inel in a hmang a, Red Bull Racing tan test driver a ni tawh bawk.