Independence Day Football Tournament 2022 khelhmekah hmeichhe inelna lam semi-final khel tur an hriat tawh a. Nilaini ah semi-final hi an khel ang.
Inrinni khan Lammualah Marcus School of Education chuan 1-0 in Candid English School an hneh a. Inkhel a goal awmchhun hi minute 11-naah Lalchhandami’n a khung.
Group A atangin Govt. Hrangchhuana High School leh Govt. Central Higher Secondary School te an tling a. New Vision Academy leh Marcus School of Education te Group B atangin an tling.
Mipa football inelnaah semi-final khel tur vawiin leh naktukah chinfel a ni dawn thung a. Inrinni-ah match hnih an khel.
Inkhel hmasa zawkah Chhinga Veng FC in 3-0 in Chanmari FC an hneh a. CVCF tan striker Lalrinzuala chuan goal hnih a khung a. Johny Lalremruata’n goal khat a khung.
Inkhel hnuhnung zawkah Mizoram Police an chak nawn thei lova. 2-1 in Electric Veng FC lakah an tlawm.
Police tan Lalfakzuala’n goal khung hmasa mahse Vanlalremsanga leh Saidingliana ten goal an khung.Independence Day Football Tournament 2022
August 6, Inrinni I-Day Women’s Football Tournament inkhel result:
09:30 AM Candid English School 0 – 1 Marcus School of Education
(Lalchhandami 11′)
August 10, Nilaini semifinal inkhel tur:
12:00 AM Marcus School of Education vs Govt. Central HSS
02:00 PM Govt. Hrangchhuana HS vs New Vission Academy
August 6, Inrinni I-Day Men’s Football Tournament inkhel result:
11:30 AM Chhinga Veng FC 3 – 0 Chanmari FC
(Lalrinzuala 50′, 72′, Johny Lalremruata 63′)
01:30 PM Mizoram Police FC 1 – 2 Electric FC
(Lalfakzuala 25′) (Vanlalremsanga 59′, Saidingliana 80′)
Vawiin inkhel tur:
11:00 AM FC Bethlehem vs Chawnpui FC
01:00 PM Aizawl FC vs FC Venghnuai
August 9, Thawhlehni inkhel tur:
12:00 PM Chanmari FC vs Mizoram Police
02:30 PM Electric Veng FC vs Chhinga Veng FC