India hmeichhe hockey team in Commonwealth Games-ah India medal lak an chhunzawm a, Pathianni chhun khan New Zealand chu penalty shootout-ah hnehin bronze medal an la.
Hun pangngaiah India hian goal khung hmasa zawkin hun rei tak chhung hma an hruai a, minute 29-na a Salima Tete goal khung an chakpui teuh. Mahse a tawp dawnah tang tluan thei lovin New Zealand in second 30 a la amwin Olivia Merry hmangin an si phurh an sut.
Semi-final a sawi zui hlawh taka Australia laka an tlak hnuah India an chesual nawn tawh lo. An captain leh goalkeeper Savita chuan penalty shootout-ah New Zealand lakah save vawi thum a siam a. India in vawi hnih thelh ve mahse 2-1 in hnehna an chang.
India goalkeeper Savita chuan, “A awlsam dawn lo tih kan hre lawk sa a, a tir minute khatna atangin theihtawp kan chhuah a, team anga kan beihnaah ka chhuang hle.” tiin an chak hnuah a sawi a. India hian Birmingham 2022-ah hian a pumpuiah medal 49 a la tawh.