Health & Family Welfare Department chuan sorkarin COVID-19 sample test-na atana hmun a ruata endik man a bithliah thar.
ICMR-in test tura tih; frontline worker, Chief Medical Officer/Medical Superintendent/ State Nodal Officer (IDSP)-ten sample test tura an tih; convener, H&FW leh police department contact tracing team-in contact tracing atana test ngai an tih leh Covid kai, CCC/DCHC/DCH/home isolation-a enkawl lai mekte (test nawn a tul chuan) chu test man a thlawn tur a ni.
Hetianga tel lo zawngte chu RT-PCR test man Rs. 700, TrueNat-ah Rs. 700, FIA-ah Rs. 150 leh RAT hmanga endikah Rs. 100 turin bi a thiah thar a ni.