AZL: Excise & Narcotics Department (END), Kolasib district-in zu an man sa dan anga tihral theihte chu The Mizoram Liquor (Prohibiton) Act, 2019-a tar lan angin nimin khan Z. Lalhmangaiha, Jt. Commissioner, END (Administration) hoa tihral a ni.
Zu tihralte hi Whisky (750 ml) bottle 1,211, Whisky (375 ml) bottle 168, Whisky (180 ml) bottle 24, Rum (750 ml) bottle 564, Vodka (750 ml) bottle 29, Beer (650 ml) bottle 36, Canned Beer (500 ml) can 1,080 leh Corona Beer (330 ml) bottle 24 niin, a vaiin Rs 18,40,600 hu a ni.
Ngurthanzama Sailo, Asst. Commissioner, END, Kolasib district kaihhruai zu tihralnaah thu sawiin Z. Lalhmangaiha chuan, “END hnathawkte chu mi thahnem lo tak pawh nise, hna tha taka thawk zel tur an ni,” a ti a. Mizoram sorkarin a do mek, zu leh ruihhlo chi hrang hrang laka inthiarfihlim theuh tur leh heng thila inhnamhnawihte man chhuahna kawnga sorkar tha tichaka thawhhona tha nei turin mipuite a ngen bawk.