Aizawl : Govt. Lungsen HS harsatna tawh mek chinfel dan tur ngaihtuahin nimin khan Lunglei Bawrhsap Kulothungan hovin dist administration hotu te leh School Edn. deptt. hotute bakah sub hqrs YMA leh MZP sub hqrs, Lunglei hruaitute an thukhawm a, zirna chhunzawm a nih thuai theih dan tur an sawiho.
Tarlan tawh angin July 2021 leh tun thla ah Govt. Lungsen HS atanga zirtirtu 2 sawn an nih avangin tun thla ni 16 atang khan tiamchin awm lovin he sch- ool hi khar a ni a. all NGO co-ordination committee hmalaknain tun thla ni 23 atang khan vawiin thleng awh turin Lungsena school 8-a zirlai 446 te school kal tur dan an ni.
Sorkar thuchhuahin a tarlan danin, Lungsen HS-ah hian headmaster leh zirtirtu nghet 1 bakah SEDP zirtirtu 3, MLA fund-a rawih 1 leh Samagra Hindi teacher 1 an awm mek.
Lunglei DEO Lallianzuali Bawihtlung hovin tun thla ni 17 khan School education department thawktu ten Lungsen hi tlawhin, RD rest house-ah harsatna awm mek te chu an sawiho tawh a ni.