Manchester United defender Eric Bailly chuan loan in French club Olympique Marseille chu a zawm fel.
Ivory Coast international hian inkhelhna hmun chan tam a duh avangin hun engemaw chen atangin a hma hun chungchang zawhna a tam tawh a. United chhuahsan mai tur anga sawi a ni leh thin.
Marseille hian tun season chhung atan an hawh anga, an chetthat dan a zirin Euro maktaduai 6 in nakkum nipuiah a nghet in an lei thei ang.
Bailly hian kum 2016 khan Villarreal atangin United hi a zawm a. Beiseina sang tak nen Old Trafford in thlir mahse inhliamin a tihbuai ngun em avangin an tan vawi 113 bak a inkhel thei lo.
Old Trafford-ah hian Europa League, Carabao Cup leh Community Shield te a chawi hman.
Season liamta khan Bailly hian Red Devils tan inelna hrang hrangah vawi 7 chauh a khel a. Hei vang hian Marseille pan hi a thlang a. Social media kaltlangin United hnenah lawmthu a sawi ve bawk.