Tun season English Football League club-ten an khelh EFL Cup, sponsor tute avanga Carabao Cup tia hming an vuah chu third round khel tur pawh a ni a. Premier League champion lai Manchester City leh Chelsea te an intum dawn.
Third round-ah hian Europe huap inelna a tel team-te an khel ve tan dawn a. Team lian pahnih insu tur an awm nghal.
Pep Guardiola pawlte hi kum 2017 atanga 2021 chhunga vawi li a zawna champion an ni a. Kum 2019 final khan Chelsea hi an lo hneh tawh.
Chelsea tan he inelna hi tunhnaiah dah hmasak a ni ngai lova, 2011/12 season hnuah third round hi an la pel leh lova. Hetihlai hian City hian 2014/15 hnuah third round pelh loh an la nei lo.
Third round inkhel tur zingah Premier League club ve ve inkhel tur match sarih a zawm a. Heng zingah hian kaithar Nottingham Forest leh Tottenham te inkhelin Manchester United in Aston Villa an mikhual anga. Newcastle United leh Crystal Palace te an inkhel ang.
Magpies hian round hmasa khan hnehna chang turin anni aia division hniam zawka awm Tranmere Rovers chu an hneh zo lo teuh.
Champion lai Liverpool chuan League One club Derby County an hmachhawn ang.
Third round hi November 8 atanga 10 chhungin an khel ang.
Carabao Cup third round draw:
Leicester v Newport County
West Ham v Blackburn
Wolves v Leeds
Nottingham Forest v Tottenham
Manchester United v Aston Villa
Bournemouth v Everton
Liverpool v Derby
Burnley v Crawley
Bristol City v Lincoln
Manchester City v Chelsea
Stevenage v Charlton
MK Dons v Morecambe
Newcastle v Crystal Palace
Southampton v Sheffield Wednesday
Arsenal v Brighton
Brentford v Gillingham