Film nghahhlelhawm awm, ‘Beast’ -in Indian cinema hall a luahlum hun tur tihchian niin, September 2 hian en theih a ni ang.
Idris Elba channa film hi khawvelpum huap ang pawha sawi laih laih tling leh critic ho pawhin an fak rawn a ni a, en laklawh tawh chuan thawhchhuahsan chi loh leh thut nghet burna tur khawpin rilru leh ngaihtuahna pawt bet tlat thei a ni.
Dr. Nate Samuels lema chang hian thriller pui takah min hruailut dawn a, hmul thi ding sung sung turin lo inbuatsaih phawt mai rawh le.
Amah vang leh a fanu tleirawl pahnih vanga Sakeibaknei kawlhrawng tak pakhatin kiltin atanga a tihbuai la, a zim buaina kara an chet dan leh insaseng dan te hi mit tla lek lekin i en ang.
‘Beast’ ah hian Lead Jeffries, Sharlto Copley leh Iyana Halley te’n hmun pawimawh an chang pha a, an chevel a hmuhnawmin, an chanvo theuh an hnehsawh.