European football thuneitu UEFA chuan a hnuaia club inelna season thar a tan leh dawn a. Group Stage a inkhel turte pawh a nih zanah mimal chawimawina a sem a. Season liamta a Real Madrid champion puitu striker Karim Benzema chu UEFA Men’s Player of the Year-ah an thlang.
Kum 34 mi hian round of 16 leh quarter-final ah Paris St-Germain leh Chelsea hneh turin a team tan hattrick a siam a. Season liamta khan goal 44 khungin tualchhung leh Europe a Real Madrid hlawhtlin chhan a ni.
Kum 34 mi hi kumin a Ballon d’Or leh FIFA Awards a chawimawina dawng tura rinkai ber a ni bawk.
Coach chawimawina lamah a manager Carlo Ancelotti chu Men’s Coach of the Year a thlan a ni a. Hmeichhe chawimawina lamah Barcelona leh Spain playmaker Alexia Putellas chu Women’s Player of the Year a thlan a ni.
Ningani zanah UEFA Champions League group stage draw neih a ni a. English team te group awmna an tan paltlang harsa lo tura ngaih a ni a. Chutihrualin Group C a awmte an hraw.
German champion Bayern Munich bakah tun season a insiamtha tura sum ‘chalai’ nasa Barcelona leh Italy a champion tum Inter Milan te an inel dawn.
UEFA Champions League Group Stage draw :
Group A : Ajax, Liverpool, Napoli, Rangers
Group B : Porto, Atletico Madrid, Bayer Leverkusen, Club Bruges
Group C : Bayern Munich, Barcelona, Inter Milan, Viktoria Plzen
Group D : Eintracht Frankfurt, Tottenham, Sporting Lisbon, Marseille
Group E : AC Milan, Chelsea, RB Salzburg, Dinamo Zagreb
Group F : Real Madrid, RB Leipzig, Shakhtar Donetsk, Celtic
Group G : Manchester City, Sevilla, Borussia Dortmund, FC Copenhagen
Group H : Paris St-Germain, Juventus, Benfica, Maccabi Haifa
Europa League Group Stage draw :
Group A : Arsenal, PSV Eindhoven, Bodo/Glimt, FC Zurich
Group B : Dynamo Kyiv, Rennes, Fenerbahce, AEK Larnaca
Group C : Roma, Ludogorets, Real Betis, HJK Helsinki
Group D : Braga, Malmo, Union Berlin, Union Saint-Gilloise
Group E : Manchester United, Real Sociedad, FC Sheriff, Omonia Nicosia
Group F : Lazio, Feyenoord, FC Midtjylland, SK Sturm Graz
Group G : Olympiakos, Qarabag, Freiburg, Nantes
Group H : Red Star Belgrade, Monaco, Ferencvaros TC, Trabzonspor