Mizoram a amateur mixed martial arts inelna lian 6th Mizoram State MMA Amateur Championship 2022 chu August ni 25 a neih tan a nih hnuah Inrinni khan hlawhtling takin an nei zo.
Mizoram State MMA Amateur Championship vawi rukna hi Elite MMA & Fitness gym, Vaivakawn-ah neih a ni a. District hrang hrang pakua atangin MMA fighter 100 vel an inel.
Inelna pumpuiah SPES Gym a inkhua Dawrpui Contact Sports chuan gold medal pariat la in silver medal pathum leh bronze medal pali an la a. Team champion an ni.
Alpha Martial Arts & Fitness Gym chuan gold pali, silver pakhat la in 1st Runners up team an ni a. Gold pathum, silver medal pahnih leh bronze pathum latu Elite MMA & Fitness Gym chu 2nd Runners Up an ni.
Inelna pumpuiah H. Lalruatfela chu Most Promising Fighter atan thlan a ni a. Best Fighter atan Nazareth Lalṭhazuala (Alpha Gym) chu thlan a ni ve thung.
He inelna hi kum 21 hnuai lam Junior Category leh Senior Category a kalpui a ni a. Rihna huang hrang hrang 10-ah fighter te then an ni.
Mizoram State Mixed Martial Arts Association Patron nilai R. Lalzirliana, Cabinet Minister chuan inelna kharna hun hi a hmanpui a. MISMA in sorkar puihna tel lova thalaite hmasawnna tura ke an pen thin chu lawmawm a tih thu a sawi a. MMA chu Mizote tana infiamna tha tak nia a hriat thu a sawi.
Category tin champion :
Junior Category:
- Strawweight : Roddick Lalremruata Rokhum
(DCS/SPES) - Flyweight : H. Lalruatfela (Elite)
- Bantamweight : Lalramsanga (DCS/SPES)
- Featherweight : JerryLalrinfela (Indiv.)
- Welterweight : Abraham Lalrinfela (Elite)
7.Middleweight : C. Lallawmzuala (DCS/SPES)
Senior Category:
- Atomweight : Lalrinnungi (DCS/SPES)
- Strawweight : Lalnuntluanga (Alpha)
- Flyweight : Nazareth Lalthazuala (Alpha)
- Bantamweight : Jonathan Lalduatliana
(DCS/SPES) - Featherweight : David Lalmalsawma (DCS/SPES)
- Lightweight : Zarmawia (DCS/SPES)
- Welterweight : Joel Lalengmawia (Alpha)
- Middleweight : PC Lalthazuala (Indiv.)
- Lightheavyweight : Santu Mondal (DCS/SPES)
- Heavyweight : Lalhlankima (Alpha)