India ramah coronavirus laka invenna pek beihpui thlak kal mek zelah vaccine dose vaibelchhe 212.17 pek a ni tawh.
Darkar 24 liam ta chhungin dose nuai 26.36 chuang pek leh hman a ni tih uniun healh ministry chuan a tar lang.
India-ah hian hri leng hi chawlhkar eng emaw zat a dinhmun a that loh hnuah ziaawm lam a pan leh mek a, enkawl dam pawh an pung leh mek zel a. A kai hmuh tawh zinga 98.66% chu enkawl dam niin darkar 24 liam ta chhungin mi 22,000 chuang enkawl dam leh hman an ni bawk.
Enkawl dam tawh zawng zawng hi mi vaibelchhe 4.38 an tling tawh a. Hri kai enkawl lai tlahniam zelin mi 65,732 an la awm mek a, darkar 24 liam ta chhungin mi 30 an thi leh hman.