Mizo Academy of Letters (MAL) Jt. Hqrs. Lunglei-in thu leh hla lama sulhnu nei tha leh chawimawi phu nia an hriatte hnena -Pu Buanga Award- an hlan thin chu kumina dawng thei tur an thlifim chho zel a. Chawimawina dawng thei tur mi 5 – C. Chhuanvawra; Dr. Lalzuia Colney; J. Malsawma; Lalrammawia Ngente leh Prof. RL. Thanmawia te an thlang chhuak tawh a, mi 5 atang hian Pu Buanga Award dawng tur an thlang chhuak leh ang. Pu Buanga Award hi kum 2000 atang khan hlan thin niin, a tir lamah kum 5 danah an hlan thin a, tunah erawh chuan kum 3 danah an hlan thin ta a ni.