India ramah darkar 24 liam ta chhungin coronavirus kai mi 6,809 hmuh chhuah leh hman niin mi 4,44,56,535-in an kai tawh.
Union health ministry-in a chhinchhiah dan chuan hri kai enkawl lai tlahniam chhunzawm zelin mi 55,114 an la awm mek.
Darkar 24 liam ta chhung hian mi 26-in Covid hi an thihpui leh hman a, mi 5,27,991-in an thihpui tawh a. Thi chhinchhiah thar zinga panga hi a hma lama thi tawh, Kerala-a chhinchhiahnaa telh tharte an ni.
Hri kai hmuh chhuah tawh zawng zawng atanga chhutin enkawl lai hi 0.12% an la ni mek a, enkawl dam tawh hi 98.69% an tling tawh thung.
Darkar 24 liam ta chhung hian enkawl lai hi mi 1,631-in an tlahniam leh hman a ni.
Darkar 24 liam ta chhung hian sample endik zawng zawng zinga 2.12% chuan Covid an kai tih hmuh chhuah niin chawlhkar khat liam ta chhunga endik zinga 2.29%-in an kai bawk.
Hri kai hmuh tawh zinga mi 4,38,73,430 chu enkawl dam leh tawh niin 1.19% chuan an thihpui tawh thung.
Health ministry-in a chhinchhiah dan chuan invenna pek beihpui thlak kal mek zelah vaccine dose vaibelchhe 213.20 pek a ni tawh.
Darkar 24 liam ta chhunga Covid thihpui mi 21 hi Maharashtra-ah pali, Delhi-ah pathum leh Gujarat, Nagaland, Punjab leh West Bengal-ah mi pahnih theuh an ni.