Azl: I&PR Minister Lalruatkima’n V Kungtea (Rairahtea), Saizawh West lehkhabu ziah, ‘Cabin Kamchhuak’ tih chu Pi Zaii Hall, Synod Conference Centre, Aizawl-ah a tlangzarh.
Inrinnia tlangzarh inkhawmah thu sawiin Lalruatkima hian V Kungtea lehkhabu ziah, ‘Cabin Kamchhuak’ a tlangzarh thei chu lawmawm a tih thu a sawi a. “Zep thu a cheng lo a, a ziaktu hi vohbik tihte zinga mi a ni a, vohbik ni chunga hetiang lehkhabu a chhuah thei hian ngaihtuahna a tikal thui a, mi dangte tan chona nasa tak a pe a, Pathian hian a vohbik tih hi a tichiang hle a ni,” a ti.
Lalruakima hian Mizo thalai, thangtharte hian Mizote mahni kutchhuak ngei hi nasa zawkin an la hlut tulh tulh dawn a, chumi hunah chuan heng ziaktu thiam leh lar tak takte kutchhuak hi tun aia nasa zawk hian khawvel hmun hrang hrangah hnam dangte hmuh leh chhiar theih tur pawhin an la pho chhuah ngei a rin thu a sawi bawk.