Klopp-a’n Infantino a sawisel nasa

Germany manager Jurgen Klopp-a chuan FIFA President Gianni Infantino-a a sawisel a, a thlak tak, Sepp Blatter-a ai pawha hna thawh that loh zawk thu a sawi.

Kum 59 mi, Liverpool boss hlui, Klopp-a chuan, “Football hi kum tam tak chhung ka lo luhchilh tawh a, kei aia thil hre zawk tam tak an awm bawk ang a. Mahse, tunah chuan mi tam zawk hian thil inthlak danglam a awm a ngai tih an hrethiam ang. Sepp Blatter-a hnuah khan a chhe zawnga thil a kal leh theih tawh pawh ka ring lo va; mahse, tu emaw chuan chutiang thil chu a ti tlat si. Infantino-a thawh tawh dan thlirin a dawta president ni leh tur hi tupawh ni se, hna a thawk tha zawk ngei ang,” a ti.

Kum 2015 khan eiruk thubuai a neih hnu lawkah Blatter-a hi a hna atangin a bâng a, Infantino-a chuan February, 2016 khan Blatter-a kalsan tak hi chelh zuiin kum 10 chhung president a ni tawh.

President inthlan thar hi nakkum March thlaah neih a ni leh dawn a, Infantino-a paih thlak tumin Kozo Tashima leh Ramon Vega te chuan hming an pe lut tawh a, Arsenal manager hlui, Arsene Wenger-a hming pawh lam rik a ni a; mahse, ani hi chuan a pu hi khin a tum lo tih a sawi chiang tawh nia sawi a ni.

Leave a Reply

error: Content is protected !!