Aizawl : NGO pakhat Pratham Education Foundation chuan kumin September leh October chhungin Mizoramah Education Survey (Annual Status of Education Report 2022) a nei dawn.
He survey atana inbuatsaihna ni nga awh ASER 2022 State Level Training chu nimin September 5 atang khan Tourist Lodge, Chaltlang-ah tan a ni a. Annual Status of Education Report (ASER) 2022 hi thingtlang hmun hrang hranga naupang zirna chungchanga survey lian ber niin, ASER hi Pratham Education Foundation bultuma kal a ni.
District tin atangin trainer tur thlan niin, survey dan inzirtirna hun an hmang a. Training an zawh hunah district tinah survey hi kalpui tum a ni.
He Survey hi kum 2005 aṭanga 2014 thlenga kumtin kalpui ṭhin a ni a. 2014 aṭanga 2018 thlengin kum in karthlaka kal pui leh a ni a. COVID-19 avangin kum 2020 leh 2021 chu phone hmanga naupangin zirna an kalpui theih dan chungchangah he survey hi kalpui a ni leh a. Kuminah chuan a hmuna penchhuak zawnga district hrang hranga survey kalpui tum a ni.
ASER Survey hian naupang zirna chungchang leh an nihphung hriat a tum ber a. District tinah mi inpe te leh NGO hminganga kalpui ṭhin a ni a. A tlangpuiin a hmuna kala survey tih hian mi inpe mi 30,000 te ṭanpuinain naupang kum 3 aṭanga kum 16 inkar mi 6,00,000 hnenah survey hi rampumah tih ṭhin a ni.
Education survey neih hi a tha ka ti in Naupang mai pawh ni lo nu leh pa te hnenah thingtlang kir khawr a awm te hnenah pawh hian sawi a tha ka ti a.tunlai in zirtirna leh hmanlai in zirtirna hi in ang lo em em cu cu tunlai nu leh pa te hian an la hrethiam ve ciah lo vang hian naupang tan hian buaithlak chang hi a tam ve em em a.Naupang te rilru hrisel tak leh nuam taka lehkha zir theihna nan cuan chhungkaw boruak hi a pawimawh ka ti Ni
Education survey neih hi a tha ka ti in Naupang mai pawh ni lo nu leh pa te hnenah thingtlang kir khawr a awm te hnenah pawh hian sawi a tha ka ti a.tunlai in zirtirna leh hmanlai in zirtirna hi in ang lo em em cu cu tunlai nu leh pa te hian an la hrethiam ve ciah lo vang hian naupang tan hian buaithlak chang hi a tam ve em em a ..Cu cu nu leh pa ten an hriatthiam theih nan nu leh pa te ah pawh survey hi neih tel tha ka ti ni