I bula awm ve mai mai tur thian i mamawh a, engmah ti lem lo hawh turah i buai em?
A chhanna chu kum 38 mi Shoji Morimoto hi a ni mai e. He Japanese pa hi, ‘Engmah ti lo tur’ hawh theih bawk si a hriattlar a ni mek.
Morimoto hian amah hawh duh te tan rental service a kalpui mek a, Tokyo khawpuiah a mamawh leh duh tan contact theih reng niin, i bulah a lo thu ve mai mai anga, engmah a ti lem lovang.
“Engmah ti lem lova lo awm ve mai mai tura hawh theih ka ni a, hawh theih reng ka ni e. In mamawhna hmunah min hruai ang a, a hmun kan thlen pawhin engmah ka ti lovang,’ tiin Morimoto hian a sawi.
Japan-ah hian bialnu hawh theih emaw chhungkua anga hawh theih awm ve bawk mah se, tuna Morimoto kalpui dan erawh hriat a la ni ngai lo.
Hetih lai hian, amah hawhtute bula thu mawl tawp erawh a ni lova, clien te’n ei leh in tur an pek chuan a ei ve mai a, zawhna an zawh pawhin ‘simple’ takin a chhang thung.