Canadian police chuan Pathiannia Saskatchewan province-a mi 10 zet vit hluma mi dang 18 zet hliamtu mipa unau pahnih zinga pakhat zawk ruang an chhar tih an sawi.
Officer chuan kum 31 mi, Damien Sanderson-a taksaah hian tam tak hmuh a ni a, amah leh amah a intihna chu a nih hmel loh tih chauh a sawi a, thil dang a sawi lo.
An unauva mi an thah zinga tam ber chenna, James Smith Cree Nation an tih, ram leilung fate chenna bulah a ruang hi an chhar a ni.
Sanderson-a unaupa, Myles chu an la man lo va, a la hlauhawm tih police chuan an sawi.
Province muanawm taka hriatah inpawng vihna thleng hi chhui mek niin police chuan hmun 13 zeta pawikhawihna thleng hi uluk takin an endik.
A titute tih chhan hi hriat a la ni lo va, anmahni man la awm lo mah se tualthah thubuai siamsak an ni tawh.
Thawhtanni khan police chuan Damien Sanderson-a ruang hi hnim bik tak tak a awmna in pakhat an endiknaah an chhar tih an sawi.
“A hliamte hi amaha a intih chu a ang lo,” tiin police Assistant Commissioner Rhonda Blackmore chuan thuthar lakhawmtute a hrilh.
A nau, kum 30 mi pawhin hliam a tawrh ve ngei an ring a, police chuan damdawi a mamawh theia an in a pan thei tih an puang a, a unaupa thihnaah hian mawh a phur em tih erawh an sawi lo.
Myles Sanderson-a hi tun hma lamah pawh police lo hmelhriat tawh a ni a, pawikhawihna hrang hrangah a lo inhnamhnawih nasa tawh tih an sawi.
Pathiannia Sanderson unauin kut an thlakte hi hmun kilkhawr tak, James Smith Cree Nation-a mite deuh vek niin he khua hi mi 2,000 awrh chenna a ni a, Canada rama lo awm hmasate deuh vek an ni a. Saskatchewan province pumah emergency puan zui a ni.
Canadian chanchinbute chuan thite hi an tar lang hlawm a; mahse, sorkar erawh chuan a puang lo.
Saskatchewan-ah hian mi maktaduai 1.2 chengin mel 250,000 bial a ni a. Khaw inhlat tak tak niin kawngpui lian tak tak a kaltlang hlawm a, lo zau tak tak awmna a ni.