Enforcement Directorate chuan Thawhlehni khan Delhi Excise Policy thubuai kaihhnawihah hmun hrang hrang an dap.
ED hian Delhi-NCR bakah hian Lucknow, Chandigarh, Mumbai, Hyderabad leh khawpui lian dangte pawh an dap a ni tih sawi a ni.
Tuna thubuai hi ED hnena CBI-in FIR an ziah luh kaihhnawiha kalpui a ni.
Delhi Deputy Chief Minister Manish Sisodia chu CBI-in FIR an ziah luhah hming lang mi 15 zingah a tel ve a. Zu chungchang kalpui dan tur tharah dan leh dun zam bawhchhiatna eng emaw zat a thleng nia sawi a awm avangin FIR hi ziah luh a ni.
BJP chuan Aam Aadmi Party sorkarin thil a kalpui dan hi an sawisel nasa hle a, Sisodia-a thu zawh fiah a nih chungchangah AAP-in BJP an bei let nasa ve hle bawk.