Hmeichhe tennis a world number one ni lai Iga Swiatek chu a chesual teuh hle a. US Open quarter-final a luh vawikhatna ni turin seeded ni pha lo Jule Niemeier chu a hneh.
Thawhtanni zanlaia inkhelah Polish star Swiatek hian set hloh hma in set hnuhnung pahnih a khingpui lakah a lak ngei a ngai a. German mi Niemeier lakah hian 2-6 6-4 6-1 in a ‘comeback’ hlawhtling.
French Open champion lai hian kuminah WTA Tour-ah tournament 13 khel tawhin final a luh vawi 6-ah hnehna a chang vek a. Match 55 khelin vawi ruk chiah kuminah a la tlawm.
Seeded number 21 Petra Kvitova hnehtu Jessica Pegula a hmachhawn leh ang.
22nd seed Karolina Pliskova chuan US Open final vawi thum khel tawh Victoria Azarenka chu hnehin quarter-final a lut ve bawk.
Kum 2016 finalish Pliskova hian a kum zawnin quarter-final a lut tihna a ni a, 7-5 6-7 (5-7) 6-2 a chakin seeded number 6 Aryna Sabalenka a khel leh ang.