India-ah darkar 24 liam ta chhung khan Covid-19 kai mi 5,379 hmuh chhuah leh niin mi 4,44,72,241-in an kai tawh.
A hma ni chiah khan mi 4,417-in an kai tih hmuh chhuah niin tlemin an tam leh hret a. Hri kai enkawl lai mi 50,594 awm mekin hei hi a kai hmuh tawh zawng zawng atanga chhutin 0.11% an ni.
Union health ministry-in a chhinchhiah dan chuan darkar 24 liam ta chhungin mi 7,094 enkawl dam leh hman niin a kai zinga 98.7% chu an dam leh tawh.
Darkar 24 liam ta chhunga sample endik zinga 1.67%-in hri an kai tih hmuh niin chawlhkar khat liam ta chhunga endik zinga 2.0%-in an kai tih hmuh a ni bawk.
Hripui a len atangin India-ah hian sample vaibelchhe 88.80 chuang endik a ni tawh a, darkar 24 liam ta chhungin sample 3,21,917 endik a ni bawk.
January 16, 2022 atanga invenna pek mek zelah vaccine dose 2,02,16,02,325 pek a ni tawh bawk.