BJP hruaitu lawkte chuan nimin khan Nagaland hel pawl, National Socialist Council of Nagaland (IM) chief Th. Muivah chu New Delhi-ah an kawm.
BJP hruaitute hi state BJP president hova thawkin ni thum liam ta khan Delhi hi an thleng a, hel pawl nena sorkar inrem tumnaa inbiakna kal mek chungchang an sawiho.
BJP hruaitute hian Agri Expo, Dimapur-a February 29, 2012-a inbiak tawhna bawhzuiin thil an kalpui a. NSCN (IM) hruaitute chu inremna chu Naga mipuite nghahhlelh, rei tak an lo thlir tawh a nih thu an hrilh.
BJP aiawha kal zingah hian state BJP president lo ni tawh Dr. M.Chuba Ao, vice president thin Yanghose Sangtam leh Mughato Achumi leh Kevichiitso Doulo te an ni.
Nagaland BJP hruaitute hian an party-puia an hruaitu langsarte an hmu zui leh dawn bawk.