Aizawl : Lunglei District Level Monitoring Committee on Prime Ministers Employment Generation Programme (PMEGP) Scheme for Lunglei District 2022-2023 chu nimin khan Addl. DC Donny Lalruatsanga hovin an thukhawm a. DIC, KVI, Lead Bank bakah Line Department hrang hrang leh VC hruaitute an tel.
Addl. DC Donny Lalruatsanga chuan PMEGP scheme chu mipuite eizawnna ngelnghet siamsakna tur a nih avangin mipui leh line department te thawhhona tha tak nena kalpui a tul thu a sawi.
DIC General Manager, District Level Monitoring Committee on PMEGP Scheme, Lunglei Member Secretary ni bawk Vanlalsanga’n manufacturing unit project cost Rs. nuai 25 ni thin chu Rs. nuai 50 ah tihsan a nih thu leh Inservice unit project cost Rs. nuai 10 ni thin pawh Rs. nuai 20 a tihsan a nih thu a sawi a. PMEGP scheme-ah scheme thar Transport activities (Taxi, Auto Ricshow) permit nung te tan a dil theih bakah Ar vulh, Bawng vulh, Sangha dil siam, khuai- khawi leh pangang khawitute tan pawh PMEGP loan a dil theih thu a sawi bawk.
He thutkhawmah hian kum 2021-2022 leh kum 2022-2023 chhu- nga PMEGP scheme hmalak tawhna leh hm- alakna tur te an thlirho a. Kum 2021-2022 chhunga DIC hnuaia loan project target 50 ah 54 te hnenah pek an ni a, KVI hnuaia loan project target 53 ah 33 te hnenah pek an ni. Kum 2022-2023 chhunga DIC loan project target 27 ah diltu 28 an awm a, KVI hnuaia loan project target 46 ah diltu 41 an awm thu tarlan a ni.
Enterpreneurship Development Programme hnuaia thingtlang mi te tana training na hmun Rsetis (Rural Self Employment Training Institutes) dindan tur District Administration in ruahhmanna siam se tih a rel a ni. Lunglei District ah DIC sponsored tu Bank 8 awmin KVI sponsored tu Bank 13 an awm thu tarlan a ni bawk.