Aizawl : Horticulture deptt., Khawzawl DC office leh Tualte Tomato Grower society-te tangtlangin kumin October ni 25-ah Tualte-ah Tomato Kut buatsaih an tum.
Tualte-a Tomato Kut buatsaih chungchang ngaihtuaha Khawzawl Bawrhsap CC. Lalchhuangkima hova Khawzawl dist Horticulture officer Lalnunpuia, Tualte-a Tomato chingtute leh khawtlang hruaitute bakah Khawzawl SP Lalchhuanthanga, DRDA Project Director Lalvenhima, Khawzawl dist agriculture officer B. Ramn- unsanga, KVK Senior scientist & head Dr. Henry Saplalrinliana leh a kaihhnawih mipawimawh dangte thukhawmin he ruahmanna hi an siam a, Tomato Kut hmanpui tur hian Tuichang bialtu, Dy. CM Tawnluia sawm ni se, an ti bawk.
Tomato Kut hman dan tur ngaihtuaha Bawrhsap hova thukhawm chuan mawhphurhna leh chanvote insemin, hlawhtling taka Kut buatsaih a nih theihna turin mawhphurhna neite chu theihtawp chhuah turin an inchah.
Tualtea Tomato chingtute thar Tomato chawilarna leh kuthnathawktute thawhrimna hriatpuia chawimawina atana ruahman Tomato Kut ah hian Tomato leh Tomato sauce te zawrh chhuah tura ruahman a ni a. Mizoram hmun dangah pawh zau zawka zawrh tura ruahmanna siam ni se, an ti.