Turkish club Galatasaray chuan European football a tawnhriat nei tha tawh player pahnih an lalut a. Manchester United midfielder hlui Juan Mata leh Paris St-Germain striker Mauro Icardi ten an zawm.
Kum 34 mi Mata hian Istanbul-ah hian kum khat contract a ziak a, kum khat dang pawhsei theih a ni.
Kum 2014 January thla khan Chelsea atangin United hi a zawm a. An tan vawi 285 inkhelin FA Cup, League Cup leh Europa League te a chawi hman.
Playmaker ball thiam leh fing hian United tan goal 51 khungin assist 47 a nei.
“Mi zawng zawngin he club boruak nawmzia hi an sawi thin a, hei hi tem ve ka duh a ni. Club tantute hma a hlawhtling tura beih ka chak tawh hle. Ka phur tawh a, theihtawp chhuah ka tum. Galatasaray tana ka inkhel thei tur hi ka lawm hle.” tiin a sawi.
Ani bakah hian Argentine striker hriam Mauro Icardi chu kum khat chhung loan in an hawh fel bawk.
Kum 2019 a Inter Milan atanga Paris St-Germain zawmtu Icardi hian Paris-ah duhthusam angin hun a hmang lova. An tan match 92 khelin goal 38 a khung tawh. Season liamta erawh khan khel tam lo hle in Ligue 1 match 24-ah a inlan a, goal li chiah a khung.
PSG hian Turkey a panna turin a hlawh 60% an pe anga, a bak zawng hi an hawh chhungin Galatasaray in an tum ve thung ang.
Galatasaray hian Uruguay midfielder Lucas Torreira leh veteran forward Dries Mertens te an lalut bawk.