UK Lalnu Elizabeth II chu kum 96 mi ni a, september 8-a Balmoral Castle-a a thih hnu-ah a kalsan tak hausakna leh neih rohlu chungchang pawhin ngaihven a hlawh zui hle.
Lunghlu leh rangkachak zozai te, hmun leh ram a neih zau dan te leh sum leh pai hausakna chenin a tlem lo hle a, Elizabeth Ii hian $Billion 28 man hu lawih assets a nei a, a tam zawk hi Royal Firm ‘Monarchy PLC’ kutah a awm.
A tlangpuiin, British lal chhungkaw hausakna leh neihnunna hi tlang hriatah puanzawr emaw sawichhuah a ni ngai lo na a, private finance te’n zirchianna an neiah Lalnu hausakna hi $maktaduai 500 atanga 600 inkar vela chhut a ni.
Engtinnge hlawh pek thin a nih?
‘The Sovereign Grant’ an tih mai, kumtina chhiah petute’na British Lal chhungkua hnena an pek hi a ni dueh ber a. Chu bakah chuan Crown Estate atanga kumtin 25% ($Billion 28) vel dawng ziah ang a ni bawk. A bak 75% hi British Treasury-ah a lut thung.
Kum 2020 -2021 khan Lalnu kutah lut hi pound maktaduai 86 a chuang daih a; hetah hian official-a zin veivahna te, Buckingham Palace enkawlna te bakah bungraw leh thil dang vil zuinah te hman a ni.