India ramah darkar 24 liam ta chhungin coronavirus kai mi 5,076 hmuh chhuah leh hman an ni a, mi 4,44,95,359-in an kai tih hmuh chhuah a ni tawh.
Union health ministry-in a chhinchhiah dan chuan hri kai enkawl lai zat tlahniam chhunzawm zelin mi 47,945 an la awm mek tih a sawi.
Darkar 24 liam ta chhung hian mi 11-in an thihpui leh hman anga chhinchhiah a ni a; mahse, heng zinga mi pali chu a hma lama thi tawh, Kerala-a chhinchhiah thar niin mi 5,28,150-in an thihpui tawh.
Hri kai hmuh chhuah tawh zawng zawng zat atanga chhutin a kai enkawl lai hi 0.11% an la ni mek a, 98.71% chu enkawl dam an ni tawh thung.
Darkar 24 liam ta chhung hian enkawl lai zat hi mi 905-in an tlahniam leh hman a. Darkar 24 liam ta chhunga sample endik zinga 1.58% chuan hri an kai tih finfiah niin chawlhkar khat liam ta chhunga endik zinga 1.72%-in an kai tih finfiah a ni tih ministry chuan a sawi bawk.
Hri kai hmuh tawh zawng zawng zinga mi 4,39,19,264 chu enkawl dama enkawlna hmun atanga chhuahtir leh tawh an ni a, a kai zinga 1.19%-in an thihpui tawh thung a. Thi zinga a tam ber, 60% chuang chu natna benvawn nei sa an ni tih ministry chuan a sawi bawk.
Health ministry-in a chhinchhiah dan chuan invenna pek beihpui thlak kal mek zelah vaccine dose vaibelchhe 214.95 pek a ni tawh.