Aizawl : UPC- NEI Aizawl East district huam chhunga bial hrang hrang ten kar kalta Zirtawpni zan atanga Bial sunday school inkhawmpui an hman chu nizan khan a tiak.
Bial hrang hrang ten Inrinni khan mahni bial chhung inawpna leh district-a lut tur thu pawimawh hrang hrang ngaihtuahin ro an rel a, bial thenkhat chuan tualchhung kohhran hrang hrang report ngaihthlakna hun atan an hmang thung.
Sunday school naupangte chu mal zai, thu leh thu inchhang, recitation leh group zai hmangin an inel a, bial thenkhatah chuan puitling lam tan lengkhawm zaia inelna leh puitling zirlaibu atangin quiz buatsaih niin, bial thenkhat inelna buatsaih lemlo an awm bawk.
Aizawl East district chhungah bial 31 awm mekin, puitling leh naupanga sunday school hming ziak singkhat leh sangriat chuang an awm mek a. District Sunday school hruaitu ten bial hrang hrangah sunday school inkhawmpui hi an hmanpui a ni.