FC Barcelona in La Liga hmahruaitu dinhmun an chelh lailawk a, Inrinni zanah Cadiz lakah second half goal li khungin 4-0 in an chak.
Estadio Nuevo Mirandilla-ah Barca tan Frenkie de Jong chuan goal hmahruai a khung a. Robert Lewandowski-a’n a chhunzawm.
Inkhel entu mipui nikhaw hre lova tlu awm avanga inkhelh chawlh lailawk a nih hnuah a tawp minute 10 khelh chhunzawm a ni a. Ansu Fati chuan minute 86-naah goal thumna a khung a, Ousmane Dembele chuan an goal hnuhnung ber a khung.
Barca in point 13 an hmu tawh a, nizana inkhel Real Madrid chungah an awm lailawk rih.